關於部落格
這是散播大王聯聯愛的國度
  • 12194

    累積人氣

  • 0

    今日人氣

    0

    追蹤人氣

中伏

好了,終於揭曉,最後答案:陰陽人!
陰陽人大晒呀!陰陽人更火!寫書可唔可以同我做下功課呀!你隨便在Google打陰陽人一詞都會了解:同時擁有健全兩性器官的陰陽人,現
階段係並無任何醫學案例去證明是存在的!文中你個受君假想是男性特徵較多的話,係無咩可能有健全的子宮去懷孕的!而如果你話係女性特徵較多的,唔該唔好混水摸魚混過來BL叢書中!而文中阿受兄卻是外太空生物,子宮又得、JJ又得、後穴更得,得左的朋友!我只能說依個係平面幻想世界,你要咁霸道,咁超脫現實,我都無話可說,講不出聲。

於是我漠視生理,只看劇情,發現角色如生理結構同樣,以非地球邏輯詭異進行!首先是報仇原因:
原來阿受君苦戀攻君多年,但攻君自大學起已和一女人相相愛愛並結婚至現在,直至受君頂唔順同攻君老婆講,佢鍾意左攻君好耐,於是老
婆聽後大受打擊(?)後出了交通意外而亡。
嘩!個心靈有無脆弱得咁犀非之利呀!
即係咁,如果我同我老公恩愛多年,無端端有個男人走出來話Like我老公,我最多叫老公避下佢,大家無朋友做姊!點解會可以搞到聽完後
發生車禍先?
假設死無對証,係誤會,睇返上面個point,點解會有誤會?!咩邏輯會推演到:有人話鍾意我老公,但老公愛我,於是我出車禍?
又係咩邏輯會推演到:好,阿受君你鍾意我而害死(?)我老婆,我要同你結婚(??)報仇!
一層層莫名的發展,難明過講外星人時的X File!

這種莫名,仲要係貫徹全書的:
1)話說虐到咁上下,受君大迫供,問攻仔有無愛佢,二人情不自禁擁擁抱抱,但攻仔還是不理他掉頭就走,受仔火起上來,手朝身下……
我以為佢火到徒手將腹中塊肉掏出來!(此子看核突片太多),誰不知佢係度搞JJ!!!!!!!!

2)中途殺出個老婆孖生細妹,行行企企賴有目的,以為係報仇,咁就應該著力溝下攻君!誰知佢唔落力,仲要只用一句話就點醒攻君原來愛
受君!咁你出場的目的係……?

3)細妹的確想過報仇,於是自爆身份,在攻君意會到自己愛受君時,細妹要求和攻君結婚,攻君答應,因為佢甘願被報仇……點解你地會覺
得,報仇同被報仇的手段都係結婚?!有無咁想同仇人結婚到咁犀非之利?!真係極度唔明!

4)攻君要結婚,除了想被報仇,亦覺得自己愛受君,但保證唔到比幸褔佢<==有幾難呀!你唔好勤吊西懶湊仔,調返轉勤湊仔懶吊西咩得!

5)攻君要離開了!受君本來萬念俱灰,誰知發現房中抽櫃有一離婚證書,便決定遠遠追到機場留住攻君……話說n月前攻君虐得開心時,有
嚴令受君唔准搞房中所有東西…於是受君就推算,不許碰的,還包括n月後的這封離婚協議書…正常人如我,九秒九會同佢講你唸多左!但攻君居然有同等心意!你地兩個思考回路有會曲折迂迴得咁緊要呀?外星人先會咁唸野!

最後,受去到機場,穿左陽水,攻和一直當受君家庭醫生的好友,急急腳駕車一小時,居然……
係返屋企!唔係去醫院!
點解兩個大男人!個家庭醫生仲要在前文強調過唔係婦科出身,會自信到要接個陰陽大肚人回家接生呀!!!!?????
之前又提到陰陽人產子係九死一生(咁真係要作者先知,之前都提過,現實世界無如此案例),點解唔去醫院剖腹產子呀!
受君果然有假死現象呀!但去到尾聲d幾年後受君居然生左兩個仔!
咁危險點解要生兩個呀
咁鍾意吊前面?!
勁中伏!你老細!!!!!
而點解我最後都睇Q晒呀!好奢侈囉!我D時間。

相簿設定
標籤設定
相簿狀態