都市閒帽

關於部落格
這是散播大王聯聯愛的國度
  • 12175

    累積人氣

  • 0

    今日人氣

    0

    訂閱人氣

【五年內爛片Top 1之超人:鋼鐵英雄】

最近不是有人說《天機乜乜春春圖》是宇宙最爛嗎?
他媽的我大佢五十萬,用《超人》同《天機》Battle,看看誰能背負「宇宙」這兩個字!
 
大概是我和我的友人,抱著獵奇的心態想窺探《天機》,最後又縮沙的磁場,令超人扭曲成一部史詩式的大爛片,看完超人後,我腦中的天音彷彿在說:

「少年,你太年輕了,你以為世上有很多不同種類的電影嗎?這其實是我的分身變出來的,不然我換個id給你看…」

於是,我想窺探《天機》,結果《天機》以《超人》的型態呈現,最後原來看似有兩部電影,但原來都是同一部大爛片!這大概是中國人所講嘅:「天機不可洩露,但超人絕對要早洩吧!」

 
有人可能會問(無),底你架!邊個要你垂涎緊身衣系列男人的美色?
我只想講一句,冤枉呀大人!無呀!何況男人去到超人咁,操到個胸可以戴B CUP Bra嘅時候我只會覺得反胃,而唔會化身成A&F店前痴女雙目發光的!雙目發光,只有超人而已,笑。
 
我入場,只為了一個名字:Christopher Nolan,這個我稱為緊身衣崩壞系列之神,他的Batman, The Dark Knight不需我花唇舌說有多棒吧!去到第三集玩政治扮文革都好有趣呀…
 
可惜,我忽略了,去到第三集後段為父報仇那種「中二」到不得之了的設定,其實已竭示了Christopher其實患上「中二行為創傷性失調」(Form 2 behavior Disorder,簡稱F2BD)吧,來到超人,佢個病完完全全失控!
 
「如果呢個世界有一所名為『中二大學』,呢套劇絕對係每個學生必修嘅Founderation,Course Code F2001」--我好友A子如此說
 
先說一開場的Teaser,我頭十分鐘,真係以為自己:
a. 入錯House、
b.睇緊Star Wars!

超人出生的星球,成班人著住Star Wars Crossover中世紀風格RPG Game的Costume是甚麼回事?你們地是迷戀Cosplay的star wars die hard fans嗎?

 
由於被佢地Star Wars的服裝和係咪入錯院的困擾令我極度分心,以致我都唔知壞人兄何解要發動政變了,但最有趣係——這班人超高科技咁用原粒子砌機械人、3D Screen咁,但打起架上來就用返拳頭同刀仔,枝激光槍純粹係畀羅文唱《激光中》的Pros?你地咁鍾意Star Wars,點解唔用激光劍?
 
而這個自稱極文明的星球,原來幾個世紀前已天才地想到人工繁殖,在海中弄了一抽兩抽葡提子,葡提子入面養左好多個BB,自動養殖下一代,設定每個人的身份角色…
於是超人老竇同老母應該是看了Matrix得到啟發吧,質疑:「如果其中一個小孩不想做被設計的角色呢?」好突破!好有見地呀……:D

如果這在1999年之前

大佬呀!人工陪殖、虛擬世界呢D Concept係1999年的Matrix已用最強勁的方式程現了,你想用幾串葡萄說服邊個呀?
Anyway,超人老竇到老母在得到Matrix 神的啟示後,決定嘗試自然生育超人,最終一索得男,就是我們超人了。
 
問題來了:
A.這星球的人幾個世紀無扑野,性器官不會退化的嗎?
B.如果現在存在的star wars星人都係人工繁殖嘅,咁點解佢地嘅人體結構可以有自然生育的功能?
C.幾個世紀無扑過野,真係咁叻仔,一埋牙就上戰場?

 
睇到呢度,我9號仔性格好體貼咁同自己講,可能Christ這孩子退化到中二,無學到演化論呢!若是如此,我可以體諒呢班完全生活係唔同物理環境下的外星人,佢地個外表竟然同地球人完、全、無、分、別!
 
只係換上Star wars cutome人類就當係外星人這種比羅玆威爾更早的50年代外星人概念,係2013年迫觀眾接受,就等同你明明手上拿著iphone但堅持要飛鴿傳書般離譜!
 
你無物種概念,因為超人又要係外星人又要靚仔,要做出如此不合理的設定,我盡量理解,但你唔好係對白加插一些「我地星球嘅人進化得好過你地…」
 
進你條毛,你對進化的知識薄弱過高教主呀!成班人生活在重力不同、空氣不同、無太陽的星球下會同地球人一模一樣一模一樣一模一樣!你講「進化」竟直係強姦左進化呢兩個字!
 
講起唔同星球,先唔好理呢班外星人點解由叛變危機已用流利英文交談,最有趣係佢地初到地球,懶係要窒窒地講英文當做適應地球語,你地星球明明有好好利用英文表達中二思想,下列為例:
 
幽靈系統 phantom system
世界引擎 World engine
薩德將軍
生命教典
始創室
 
XDDDDDDDDDDDDDDDDDDDDDDDDDDDDDDDDDDDDDDDDDDDDD
頂你個肺成套戲演員嘅對白就係「快點啟動幽靈系統」、「世界引擎會毀滅世界」,到底演員在說這些對白時有無覺得其實是編劇撚化緊佢地?
就算唔用咁迷人嘅詞彙,其餘時間的對白都是「為信仰而戰的死亡,是一種恩賜」、「我們只有兩個結局,你死或我亡」<==同有線講波佬話:我睇唔係輸就贏!有咩分別呀!!!!!!!!!!
 
對白中二、情節更加無得輸!大量大量無意義嘅CG,由超人同薩德將軍開戰,就不斷地破壞破壞再破壞,打鬥場面熟口熟面…
 
係龍珠呀!(BGM:剎雅人生於這個地方,稱呼叫悟空、稱呼叫悟空!)
飛到老連咁高、瞬間轉移、一條友從高空將另一條友打落地,被打那人要撞爛幾座Building仲要有氣流!我就好似睇左三集龍珠咁,呢種摔來摔去在此電影中起碼出左50次!最正係薩德將軍次次打輸,就會有隻黑色龜殼型飛碟飛過來運走佢再飛走,完全由龍珠變左比卡超,好在,佢無傳來一句:「哼!今次係你地好彩,下次我唔會輕易放過你…」
 
除左龍珠,Christ最近都迷上左銀魂吧!在美國中間整左座巴別塔,搞到咁大陣仗,阿超人好似銀時咁飛入去,木刀都無就整爛個巴別塔了!
 
個巴別塔呢,其實係薩德兄佢想侵略地球而置的大裝置,主要是用來改變地球重力和氧氣成分,令地球變成適應stars war星人住的環境巴巴巴etc…誰知打打下交,薩德佢竟然除左佢個氧氣罩同甲蟲外殼保護衣…下?你無保護下都可以係地球走來走去打爛仔架,咁你設個巴別塔做乜鳩?
 
雖然薩德將軍佢柒到化境,但超人其實都唔弱,最有趣係佢養父(地球人)和超人某日駕車,遇上龍捲風,為左不讓超人在人前表現超能力,養父叫超人走先,自己走去救車中的犬兒,超人不特止由佢養父救狗,當龍捲風飛來,超人想救,佢養父型英帥靚正咁大叫「No~~~~~~~」

而超人眼睜睜睇住養父死…我在戲院,真係忍唔住,哈一聲笑出來!這種弱智扮史詩式犧牲想感動邊個呀?養父「強風中、孤單中、必須要自強?」養父,你太年輕了!

 
超人同薩德沒完沒了的打鬥,形同我對這電影沒完沒了的吐嘈般,但薩德這近乎斯路嘅級數,最後竟然……被超人一下扭斷頸骨就被KO了!!!!!!!!
 
所以薩德你這孩子,明明有強勁的肉體,但頸部和內心都是玻璃般脆弱嗎?
 
好爛呀!爛到地球都要毀滅啦笑笑笑笑笑!
這電影是繼我N年前《曼谷愛情故事》後,睇完笑到我腳軟,行唔到嘅經典!我為左忍笑忍到腹部好似做左100下sit up咁,對唔住呀前後左右,平日奉行睇電影應毒啞自己嘅我今日成為一個滋擾怪獸!我有盡量唔笑出聲,但見到我不斷笑到全身發抖應該好困擾,當然,除了我和好友,全場觀眾,竟然無人覺得這電影爛到好撚好笑,香港人都變成了毛姆同莫泊桑嗎?幽默指數點解可以咁低?
 
Christ,其實你份劇本,係咪一個13歲少年,花了一個暑假去寫,怯怯地投稿給赤丸Jump,最後被編輯說:「呢個少年好有創意,相信過多3年,佢一定可以成為亞城夢木豆嘅對手!」而被退稿,你不忍心,就花N億幫少年拍套咁嘅鋼鐵超人,幫少年完夢,你就任由少年發揮,只堅持超人不再將底褲穿在外面,就當堅持了城池就好了?
 
我唔知呢個咁正嘅劇本係咪跟原著,如果有Die Hard Fans跳出來話我無知,我理撚得你,如果原著係咁落後,我只有一個建議:

2013年根本唔應該拍套咁嘅鋼鐵筋肉片呀!
相簿設定
標籤設定
相簿狀態