都市閒帽
關於部落格
這是散播大王聯聯愛的國度
  • 12178

    累積人氣

  • 0

    今日人氣

    0

    訂閱人氣

取消郵購的白痴電影節

 循例打下今年的List﹕
無人區︰導演是寧浩,加上是困獸鬥模式電影,是為引我入場之因
惡人谷魔咒六百年︰動畫,背影是中世紀死於黑死病的人咒詛城市,我杯茶
白雪公主殺人事件︰好啦,原著又是<<告白>>的湊佳苖,我都唔知點解我一次又次咁畀機會佢,無論小說到電影。By the way, 套<<贖罪>>真係拍得好差,雖然小說已經無告白咁好,但總算有啲張力,而套電視劇居然可以改悶到我跑住步咁睇都想恰眼瞓,我應該提醒自己,<<告白>>之所以好睇係因為中島哲也同Radiohead
進擊的巫女︰我堅持每年電影節都要睇返埋Cult片(有什麼好堅持),今年是女巫的殺戮盛宴,對應歷史上多少無辜女人被誣蔑為女巫而被殺,以暴易暴,大快人心。_
聖羅蘭︰唔需要解釋的朝聖片,最神秘係開售成個鐘都仲未Sold out, 喂,Member們,係咪蒲夜左起唔到身買飛?Wake up!!!!!!!!港女們,平時唔知頭唔知路孭個YSL袋上身,都好應該理解下你點解要用一千幾萬去買個袋吧!

漏網之魚…

Yup!!!!!!!!!!我數漏了!今年最仆街係無疊到復活節,好多好多想睇嘅戲全部都係平日下午,咩邏輯呀,睇得你愈唻愈貴嘅飛,唔係在職人士係咩呀?既然係在職人士,點可能去到下午2:30呢啲詭異時間?令到我好多連Mark 都無Mark,所以漏網之魚根本不止下列…

鐡三角……唔關時間事,雖然是高達, 但,心中的小雷達告訴我雷味甚高, 所以還是算吧啦!
松本俊夫選輯2……又係實驗電影,在只看五套的原則下因有隠隠然的伏味而放棄
骨肉同謀……硬係覺得曾經上過,而且我呢輪真係完全唔想聽到「撐架賴翁」呢類的語音(you know what i mean)
永生情人……兩隻活了千年的僵屍對文學、藝術交流,聽落好似Woody Allen果套,又係伏伏地。
100禁……重口味日本SM, 但友人話演員全是日本綜藝搞笑咖,驚佢不倫不類,飛。
水風景……啲劇照好似「地球很美只因有你」,我是本著想看寰宇風情的心態入去的,但友人冷靜一句︰不到3分鐘你就會厭.....
未夠抨……兩個時間都唔得,何況深信佢實上。
Micheal Haneke果套……上年中左波蘭斯基的志雲飯局伏,今年我Pass




相簿設定
標籤設定
相簿狀態